Türkmenmetbugat

"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Welaýatlardan habarlar

1-nji iýunda ata Watanymyz Türkmenistanda Çagalary goramagyň halkara güni giňden bellenip geçildi. Ajaýyp baýramyň dabaraly çäreleri ýurdumyzyň ähli sebitlerini gurşap aldy. Şeýle ajaýyp çäreler Baýramaly etrabynda hem uly şowhuna beslendi. Elbetde, eziz Diýarymyzda çagalaryň kämil ynsanlar, sagdyn bedenli, ösen aň-düşünjeli adamlar bolup ýetişmekleri ugrundaky aladalar, olaryň röwşen ertirimiziň eýeleri hökmünde mähir bilen gurşalmagy diýseň çuň mazmuna eýedir. Çünki çagalar biziň gelejegimizdir. Olar ertirki Watana şan getirjek türgenler, Diýarymyzy täze ösüşlere beslejek hünärmenlerdir.

2 Iýun 2023

Taryhda şu gün

BMG-niň senenamasynda bu senäniň peýda bolmagy milli Liderimiziň bedenterbiýe-sagaldyş we sport hereketini ösdürmäge, milli, sebit hem-de ählumumy möçberde jemgyýetiň ekologiýa medeniýetini kämilleşdirmäge goşýan ägirt uly goşandynyň ýokary bahasynyň subutnamasyna öwrüldi.

2 Iýun 2023

Halkara ýaryşlarda ýeňiji bolan Türkmenistanyň ýygyndy toparlarynyň türgenlerine

Hormatly dabara gatnaşyjylar! Gadyrly türgenler!

26 Maý 2023

Türkmen sportunyň halkara abraýy barha pugtalanýar

Ösüşlere beslenýän Berkarar döwletiň täze eýýamynyň Galkynyşy döwründe Garaşsyz, hemişelik Bitarap Türkmenistan Watanymyzyň sport döwleti hökmünde dünýäde gazanan at-abraýy barha pugtalanýar. «Gahryman Arkadagymyzyň başyny başlan beýik başlangyçlary esasynda ýurdumyzyň halkara sport abraýy täze derejelere ýetdi. Dünýäde iri halkara sport ýaryşlaryny geçirmäge ukyply ýurt hökmünde ykrar edilen ata Watanymyzda dürli ýaryşlaryň, şol sanda halkara derejedäki ýaryşlaryň yzygiderli geçirilmegi sport boýunça özgertmeleriň üstünlikli amala aşyrylýandygynyň ajaýyp nyşanydyr. Garaşsyz ýurdumyzda sportuň ösen ulgamyny döretmek, beden we ruhy taýdan sagdyn nesilleri terbiýeläp ýetişdirmek, Olimpiýa hereketini ösdürmek, bu ugurda halkara hyzmatdaşlygy pugtalandyrmak babatda uly işler durmuşa geçirilýär» diýip, nygtaýan hormatly Prezidentimiz Serdar Berdimuhamedowyň bu dürdäne sözleriniň ajaýyp hakykat bolup dabaralanýandygyna hemmämiz şaýat. Halkara ýaryşlaryny ýokary derejede geçirmekde baý tejribe toplan ýurdumyzyň sportuň dürli görnüşleri boýunça iş alyp barýan halkara federasiýalaryň arasynda hem uly abraýdan peýdalanýandygy-da döwrümiziň buýsandyryjy hakykatydyr. Şol esasdan, bu günki gün Diýarymyz sportuň, sagdynlygyň, dost-doganlygyň mekany hökmündäki abraýyny dürli halkara sport ýaryşlaryny geçirmek arkaly has-da pugtalandyrýar diýip, guwanmak bilen aýdyp bileris. Bu hakykat

26 Maý 2023

Milli sport bilen galkynýar Watan

Berkarar döwletiň täze eýýamynyň Galkynyşy döwründe iri halkara ýaryşlarda üstünlikli çykyş edip, ýaşyl Tugumyzy belentde parladan türgenleri ýokary derejede sylaglamak asylly däbe öwrüldi. Arkadag Serdarly bagtyýar ýaşlar ýylynda türkmenistanly türgenler halkara ýaryşlardaky ýeňişleri bilen yzygiderli begendirýärler. 25-nji maýda Aşgabat şäheriniň güni mynasybetli şu ýylyň aprel we maý aýlarynda halkara ýaryşlarynda medallary gazanan Türkmenistanyň ýygyndy toparlarynyň türgenlerini sylaglamak dabarasy hem baýramçylyk ruhunda geçirilip, ýokary ruhubelentlige beslendi. Her bir güni ösüş-özgerişlere beslenýän zamanamyzda ýokary netijeli sportuň hem-de bedenterbiýe-sagaldyş hereketiniň hemmetaraplaýyn ösdürilmegine döwlet derejesinde uly ähmiýet berilýär. Sportuň dürli görnüşleri bilen meşgullanmak arkaly saglygyňy berkitmek bu günki gün ýurdumyzda ähli ýaşdaky we hünärdäki adamlary birleşdirýän umumymilli maksada öwrüldi. Şunda Gahryman Arkadagymyzyň başlangyjy boýunça öňe sürlen giň gerimli işler, aýratyn-da, sagdyn durmuş ýörelgelerini pugtalandyrmak meseleleri hormatly Prezidentimiziň alyp barýan durmuş ugurly döwlet syýasatynyň ileri tutulýan ugurlarynyň biri hökmünde rowaçlanýar.

26 Maý 2023

Medally maý

Türkmen pälwanlary guşakly göreş boýunça Aziýa çempionatynyň medallaryna eýe boldular. Guşakly göreş boýunça ýygyndy toparymyz Özbegistan Respublikasynyň Jizak şäherinde geçýän Aziýa çempionatynda uly üstünliklere eýe boldular. Ildeşlerimiz eýýäm 25-nji maýa çenli 18 medala eýelik etdiler. Şolaryň7-si alyş göreşiniň nusgawy usuly boýunça gazanyldy.

26 Maý 2023

Ýurdumyzyň çempionaty

Golaýda Aşgabat şäheriniň Ýöriteleşdirilen küşt we şaşka mekdebinde düzzüm boýunça Türkmenistanyň çempionaty guraldy. Bu ýerde erkekleriň, zenanlaryň hem-de ýaş oglan-gyzlaryň arasynda ýurdumyzyň çempionlary kesgitlendi. Ajaýyp ýaryş türkmen milli oýunlarynyň many-mazmunyny şöhlelendirmekde hem diýseň ähmiýetli boldy. Paýtagtly düzzümçi Arslan Orazgeldiýew erkekleriň arasynda ýurdumyzyň çempiony bolmagy başardy. Ol 10,5 utuk toplamagyň hötdesinden geldi. Ikinji orny 10 utuk toplan lebaply Gurbannazar Hamraýew eýeledi. Gurbannazardan bary-ýogy ýarym utuk az gazanan Ahal welaýatynyň wekili Allanur Garahanow üçünji orna mynasyp boldy.

26 Maý 2023

Türkmen dzýudoçylary möhüm synaglarda

Öňňin dzýudo boýunça türkmen ýygyndysy Awstriýanyň Linz şäherinde geçýän abraýly ýaryşdaky çykyşyna başlady. Şol ýerde geçýän Gran-pri ýaryşy yklymlaryň bäşisiniň 75 ýurdundan 483 türgeni kabul edýär. Ýaryşa gatnaşýan türkmen wekiliýetine 7 türgen agzalyk edýär. Aýbek Omirow (-60 kg), Hekim Agamämmedow, Serdar Rahymow (ikisi-de -66 kg-e çenli agramda) we Parahat Nazarow (-73 kg) erkekler ýygyndymyzyň düzüminde bäsleşýär. Gurbanaý Gurbanowa (-48 kg), Maýsa Pardaýewa (-57 kg) hem-de Zulhumar Daşgynowa (-63 kg) dagy zenanlaryň ýaryşlarynda güýjüni synaýar.

26 Maý 2023

Abraýly ýaryşdan medallar çemeni

Kikboksing boýunça ýygyndy toparymyz Türkiýäniň Stambul şäherinde geçen halkara ýaryşdan diýseň ajaýyp netijeler bilen dolandylar. 51 ýurtdan 3000-den gowrak türgeni jemlän ýaryşda türkmen kikboksçylary dürli medallaryň birnäçesine eýelik etdiler. 60 kilograma çenli agram derejesinde ringe çykan ildeşimiz Muhammetnazar Gurbannazarow ýaryşyň ýeňijisi boldy. Eziz Meredow (51 kg-e çenli) bilen Yslam Rahmetow (71 kg-e çenli) kümüş medallary eýelemegiň hötdesinden geldiler. Gülzada Jorakulyýewa (65 kg-e çenli), Omargeldi Nurgeldiýew (57 kg-e çenli), Atajan Atamyradow (54 kg-e çenli), Toýlymyrat Ýegeleýew (79 kg-e çenli) Serdar Mämmedow we Hajymyrat Geldimämmedow (ikisi-de 86 kg-e çenli) dagy hormat münberiniň üçünji basgançagyna çykmagy başardylar.

26 Maý 2023

Ýaş kýorlingçiler buzly arenada

Türkmenistanyň Kýorling federasiýasy ýetginjekleriň arasynda federasiýanyň açyk Kubogyny geçirdi. Ýaryşa 14 – 17 ýaşly garyşyk jübütleriň birnäçesi gatnaşdy. Gyşky oýunlar sport toplumynyň kiçi buzly arenasynda guralan bäsleşik diýseň çekeleşikli ýagdaýda geçdi. Munuň özi ýurdumyzda sportuň ýaş görnüşi bolup durýandygyna garamazdan, türkmen ýaşlarynyň kýorling boýunça kämilligiň menzillerinde ynamly hereket edýändiklerini görkezdi.

26 Maý 2023

Olimpiýaçylarymyzyň «Soňky jaň» dabaralary

Arkadag Serdarly bagtyýar ýaşlar ýylynyň 25-nji maýynda ýurdumyzyň mekdeplerinde «Soňky jaň» dabaralary guraldy. Şeýle ajaýyp dabaralar Türkmenistanyň Bedenterbiýe we sport baradaky döwlet komitetiniň garamagyndaky «Olimp» orta sport mekdebinde, Ýaş olimpiýaçylary taýýarlaýyş mekdebinde hem-de Ahal welaýatynyň ýaş olimpiýaçylary taýýarlaýan sport mekdep-internatynda hem giňden ýaýbaňlandyryldy. Döwlet senamyzyň ýaňlanmagy hem-de hormatly Prezidentimiziň Türkmenistanyň orta mekdepleriniň uçurymlaryna, mugallymlaryna we ähli bilim işgärlerine iberen Gutlagynyň okalmagy hakyky baýramçylyk ruhuny döretdi.

26 Maý 2023

Ýagty geljegiň şäheri

Hormatly Prezidentimiz çykyşlarynda ýurdumyzyň geljegini nazarlaýan aýdyň maksatlaryň berjaý edilişiniň, halkymyzyň yhlasly zähmetine, ýaşlarymyzyň milliligimizi gorap saklamaklaryna we olaryň sagdyn durmuşa eýerip, ruhubelent ýaşamaklaryna baglydygyny nygtap geçýär. Gazanylýan beýik üstünlikler, ýetilýän sepgitler kökleri müňýyllyklara uzaýan türkmen halkynyň at-abraýynyň tutuş Ýer ýüzünde dabaralanýan zamanasy hökmünde taryhyň şanly sahypalaryna ýazylýar. Gahryman Arkadagymyzyň parasatly, öňdengörüjilikli syýasaty netijesinde, ähli ugurlar boýunça ägirt uly işler amala aşyrylýar.

26 Maý 2023

Gözel Aşgabadyň mümkinçilikleri

Ata Watanymyzyň paýtagty, ak mermere bürenen Aşgabat bu gün toy lybasyna beslenýär. Çünki 25-nji maýda Aşgabat şäheriniň gününiň bellenilmegi göreni haýrana goýýan paýtagtymyzyň mümkinçiliklerini dünýä ýaýdy. Paýtagtymyzyň ähli künjeginde guralan baýramçylyk dabaralary, ýaňlanan joşgunly aýdym-sazlar hakyky toý ruhuny emele getirdi. Ýeri gelende bellesek, Aziýanyň merjen şäheri bolan Aşgabat taryhy pursatlary başdan geçirýär. Bu gün Ginnesiň rekordlar kitabyna giren ajaýyp binalar gözüňi dokundyrýar. Aşgabadyň ak mermere beslenen ajaýyp binagärlik keşbi göreni haýrana goýýar. Çünki ajaýyp şäheriň myhmanlary ak şäheriň gysga wagtda eýe bolýan taryhy ösüşlerine şaýat bolýarlar. Gülzarlyga, bagy-bossanlyga bürenen Aşgabadyň waspynyň ýazyjy-şahyrlarymyz, aýdymçylarymyz, suratkeşlerimiz we beýleki sungat işgärlerimiz tarapyndan belentden ýetirilmegi bolsa ajaýyp şäheriň meşhurlygyny has-da artdyrýar. Gahryman Arkadagymyzyň yhlasy bilen bina edilen ak şäherimiz Aşgabat Arkadagly Serdarymyzyň aladalary netijesinde has-da gözelleşýär.

26 Maý 2023

Futbol täzelikleri

Ýurdumyzyň Kubok bäsleşiginiň çärýekfinalynyň jogap duşuşyklary geçirilip, onuň netijesinde «Arkadag», «Altyn Asyr», «Ahal» hem-de «Merw» toparlary ýarymfinala çykmagy başardylar. Şeýlelikde, Kubok bäsleşiginiň ýarymfinalynda «Merw» – «Ahal» hem-de «Altyn Asyr» – «Arkadag» toparlary duşuşarlar.

26 Maý 2023

Buýsandyryjy netijeler

20 – 23-nji maý aralygynda Mary welaýatynyň Mary şäherinde ýetginjekleriň we ýaşlaryň arasynda agyr atletika boýunça Türkmenistanyň birinjiligi geçirildi. Bu ýaryşda Türkmenistanyň Ýokary sport ussatlygy mekdebiniň türgenleri hem diýseň netijeli çykyş etdiler. Ýetginjek gyzlaryň arasynda Ogulşat Amanowa 49 kg agram derejesinde çykyş edip, ýeňşe ýetdi. Ýetginjekleriň we ýaşlaryň arasynda bolsa Medine Amanowa üstünlik gazandy. 64 kg-de bäsleşen türgenimiz birinji orny eýeledi. Mundan başga-da, ýaşlaryň arasynda 64 kg-de bäsleşen Çeper Çaryberdiýewa ikinji, 55 kg-de ýaryşan Ogulgerek Amanowa we 76 kg-de güýjüni synan Aýşat Bazarbaýewa birinji orny eýelediler.

26 Maý 2023

Döredijilik bäsleşigi

Türkmenistanyň Bedenterbiýe we sport baradaky döwlet komitetiniň «Türkmenistan Sport» halkara žurnaly bilen Türkmenistanyň Magtymguly adyndaky Ýaşlar guramasynyň Büzmeýin etrap geňeşiniň Aşgabat şäheriniň güni mynasybetli yglan eden «Tarypyň dillerde dessan, Aşgabat!» atly döredijilik bäsleşiginiň jemi jemlenildi. Ýeňijileri sylaglamak dabarasy Aman Kekilow adyndaky Mugallymçylyk mekdebinde geçirildi. Aşgabat şäheriniň güni mynasybetli guralan döredijilik bäsleşigine ýurdumyzyň habar beriş serişdelerinde işleýän žurnalistler, döredijilik bilen meşgullanýan ýaşlar, mugallymlar, talyplar we okuwçylar işjeň gatnaşdylar.

26 Maý 2023

Şägirtlerimiz tamamyzy ödeýärler

Türkmenistanyň Bedenterbiýe we sport baradaky döwlet komitetiniň Ýaş olimpiýaçylary taýýarlaýyş mekdebi hem-de Magtymguly adyndaky Ýaşlar guramasynyň Merkezi geňeşi bilelikde mekdebiň Rumyniýanyň Buharest şäherinde geçen erkin we grek-rim göreşleri boýunça halkara ýaryşda üstünlik gazanan okuwçylaryny, şeýle-de olaryň tälimçilerini sylagladylar. Ajaýyp sowgatlaryň gowşurylmagy ýaşlary sportuň görnüşleri bilen professional derejede meşgullanmaga höweslendirmekde diýseň ähmiýetli boldy. Ýeri gelende bellesek, bu üstünlik Ýaş olimpiýaçylary taýýarlaýyş mekdebiniň okuwçylarynyň mümkinçilikleriniň diýseň uludygyny aýan etdi. Abraýly halkara ýaryşda gazanylan netijeleriň aglabasynyň Ýaş olimpiýaçylary taýýarlaýyş mekdebiniň okuwçylary bolmagy olimpiýaçylarymyzyň milli sportumyza şan getirjek täze nesliniň kemala gelýändiginiň görkezijisine öwrüldi. Erkin hem-de grek-rim göreşleriniň dörtýyllygyň iň uly sport baýramçylygynyň maksatnamasyna girýändigini göz öňünde tutsak, munuň aýdyň hakykatdygyna ýene bir ýola göz ýetirýärsiň.

26 Maý 2023

Sportuň halkara baýramçylygy

Arkadag Serdarly bagtyýar ýaşlar ýylynda ýurdumyzyň sport ulgamynda gazanylýan beýik ösüşler taryha altyn harplar bilen ýazylýar. Şol ösüşleriň özeninde bolsa Milli Liderimiziň ýurdumyzyň sport ulgamyny ösdürmek boýunça öňe süren dünýä ähmiýetli beýik başlangyçlary ýer alýar. Şolaryň biri-de, Gahryman Arkadagymyzyň başlangyjy boýunça Birleşen Milletler Guramasynyň Baş Assambleýasynyň ýörite Kararnamasy bilen esaslandyrylan Bütindünýä welosiped günüdir. Birleşen Milletler Guramasynyň Baş Assambleýasynyň 72-nji sessiýasynyň 2018-nji ýylyň 12-nji aprelinde geçirilen mejlisinde Türkmenistanyň başlangyjy bilen ýörite Rezolýusiýa kabul edilip, her ýylyň 3-nji iýuny Bütindünýä welosiped güni diýlip yglan edildi. Bu sene indi Diýarymyzda ýylyň-ýylyna müňlerçe watandaşlarymyzyň gatnaşmagynda uly dabaralar bilen bellenilip geçilýär.

26 Maý 2023

Şan getirýän ýeňişler

Berkarar Watanymyzda ýaş nesliň beden we ruhy taýdan sagdyn, giň gözýetimli bolup ýetişmegi, watansöýüjilik ruhunda terbiýelenmegi ugrunda edilýän tagallalar oňyn netijelerini berýär. Halkara ýaryşlarda üstünlikli çykyş edip, ýaşyl Baýdagymyzy belentde parlatmak bilen, ildeşlerimiziň buýsanjyna buýsanç goşýan ýaş türgenleriň ýeňişleri hem munuň aýdyň mysalydyr. Şeýle ýaşlaryň biri hem gatnaşýan halkara ýaryşlaryndan medally dolanyp gelýän ezber pälwan, Aşgabat şäherindäki ýöriteleşdirilen 146-njy orta mekdebiň 10-njy synp okuwçysy Umyt Kakalyýewdir. Ýaş pälwan ýakynda Rumyniýanyň paýtagty Buharest şäherinde geçirilen erkin göreş boýunça halkara ýaryşdaky üstünligi bilen begendirdi. Umyt Kakalyýew kiçiliginden bäri sporty hemra edinip, erkin göreş bilen meşgullanyp gelýär. Egsilmez yhlasy we tutanýerliligi talap edýän türgenleşikler ýaş pälwanyň okuw sapaklaryna ýetişiginiň hem gowulanmagyna ýardam edýär. Çünki sportuň we bedenterbiýäniň ynsanyň akyl işjeňligine oňyn täsirini ýetirýändigi soňky ýyllarda geçirilen ylmy barlaglar arkaly subut edilen hakykatdyr. Umyt taryh we geografiýa derslerine has uly gyzyklanma bildirýär.

26 Maý 2023

Bedenterbiýe we sport

Golaýda ýeňil atletika boýunça Aşgabat şäheriniň açyk çempionaty geçirildi. «Aşgabat» köpugurly stadionynda guralan ýaryşa türgenleriň 88-si gatnaşdy. Bu ýerde Aşgabat şäheriniň 12-nji sport mekdebiniň okuwçylary hem diýseň netijeli çykyş etdiler. Ýaryşlar ýeňil atletikanyň birnäçe ugry boýunça guraldy. Alişer Sadulaýew, Baky Öwezow, Serdar Bäşimow, Walentina Meredowa, Enejan Esedowa, Olena Hudaýbergenowa, Salina Haýtiýarowa, Ýuliýa Hazinurowa, Waleriýa Baýewa, Aziza Baltaýewa we Irina Welihanowa dagy gatnaşan görnüşleri boýunça paýtagtymyzyň çempionlary boldular.

26 Maý 2023

‹
1
2
...
53
54
55
56
57
58
59
...
140
141
›