Möhüm ähmiýet berilýän iş
Berkarar döwletiň täze eýýamynyň Galkynyşy döwründe hormatly Prezidentimiz bilim ulgamyny kämilleşdirmäge möhüm ähmiýet berýär. Döwlet Baştutanymyz mekdepleri täze okuw ýylyna taýýarlamak işlerini öz wagtynda we ýokary hilli geçirmegi şu günüň jogapkärli wezipeleriniň hatarynda kesgitledi. Hawa, ýaş nesilleriň okuw-terbiýeçilik işleri bilen baglanyşykly meseleleriň her biri hemişe uly üns, möhüm ähmiýet berilmäge mynasypdyr. Munuň özi ýurdumyzyň umumybilim berýän orta mekdeplerini täze okuw ýylyna taýýarlamak bilen hem baglanyşyklydyr. Şu nukdaýnazardan, häzirki wagtda mekdepleri täze okuw ýylyna taýýarlamak möhüm meseleleriň hatarynda durýar.