«Türkmenistan Sport», № 2 (14), 2022
7-nji aprelde, asylly däbe görä, Bütindünýä saglyk güni mynasybetli ýurdumyzda sagdyn durmuş ýörelgelerini wagyz edýän baýramçylyk çäreleri geçirildi. Milli senenamada berkidilen bu halkara senä gabatlanyp, köpçülikleýin welosipedli ýöriş guraldy. Oňa hormatly Prezidentimiz hem gatnaşdy. Welosipedli ýörişler, dürli bedenterbiýe-sagaldyş we sport çäreleri, ýaş türgenleriň görkezme çykyşlary paýtagtymyz bilen bir hatarda, ýurdumyzyň ähli welaýatlarynda hem ýaýbaňlandyryldy.