«7/24. tm», № 13 (148), 27.03.2023.
Gurbannazar Ezizow aňyrdan gelýän edebiýatymyzda özboluşly ýol döredip, halkyň söýgüsini gazanmagy başaran şahyrdyr. Onuň döredijiligi XX asyrda durmuşymyza ornaşyp ugran täzeçe — öňküden tapawutlanýan garaýyşlary edebiýatymyza (ondan hem aňymyza) ornaşdyrypdy. Täze mazmuny täze ritm, täze sözleýiş we täze serişdeler bilen bermegiň hötdesinden gelenligi üçin bolsa onuň şygry hemişe arzyly boldy. Sap sungatlyk hümmetli poeziýany döretmegi başaran şahyryň hakyky sungat eseri bilen galp eseriň tapawudy hakdaky garaýyşlary hemmeler üçin gyzykly hem-de haýyrly bolsa gerek.