Formula 1 boýunça möwsüm tamamlanyp, ýylyň jemleýji ýaryşy BAE-niň paýtagty Abu Dabide geçirildi. Möwsümiň 22-nji bäsleşigi bolan Abu Dabi «Gran Prisinde» çempionlygyny bireýýäm yglan eden «Red Bulluň» niderland sürüjisi Maks Werstappen ýeňiş gazandy. Ol «Ýas Marina» trassasynda geçirilen ýaryşda 58 aýlawy 1 sagat 28 minut 45,914 sekuntda tamamlap, möwsümdäki 15-nji, karýerasyndaky 35-nji ýeňşini baýram etdi. Şunlukda, Werstappen bir möwsümde iň köp ýeňiş gazanmakda özüne degişli rekordy ösdürmegi başardy.
15 ýyldan soň ilkinji gezek