«7/24. tm» №16 (203), 15.04.2024
2024-nji ýylda halkymyzyň taryhynda ähmiýetli orun alan Änew şäheriniň «Türki dünýäsiniň medeni paýtagty» diýlip yglan edilmegi mynasybetli bu şäheriň taryhyny, medeniýetini açyp görkezýän dabaralar ýurdumyzda yzygiderli geçirilýär. Ol dabaralara dünýäniň dürli künjeginden myhmanlar hem gatnaşyp, türkmen halkynyň şöhratly taryhy, medeniýeti, sungaty bilen tanyş bolýarlar. Şeýle dabaraly günlerde Arkadagly Gahryman Serdarymyzyň «Änew — müňýyllyklardan gözbaş alýan medeniýet» atly kitabynyň çap edilmegi halkymyz üçin ajaýyp sowgat boldy.