«7/24. tm» № 49 (184) 04.12.2023
Her bir güni toýdur-baýrama beslenýän asuda Watanymyzyň paýtagtynda iri sport baýramy – Kuraş boýunça XIV dünýä çempionaty dabaraly depginde dowam edýär. 2014-nji ýylda ýurdumyzda Kuraş göreşi federasiýasynyň döredilen gününden bäri türkmen türgenleri halkara ýaryşlarynda, Aziýa we dünýä çemionatlarynda baýrakly orunlara eýe bolup, türkmen tuguny has-da belentde parlatdylar. Sporty we bedenterbiýäni döwlet syýastynyň ileri tutulýan ugurlarynyň biri hökmünde ykrar eden Türkmenistan döwletimizde şeýle abraýly halkara ýaryşynyň geçirilmeginiň özi hem aýratyn buýsandyryjy hadysa. Ýeri gelende bellesek, ak mermerli paýtagtymyzda dowam edýän bu sport ýaryşy kuraş boýunça dünýä çempionatyna gatnaşyjylaryň sany boýunça-da iň ýokary görkezijä eýe bolup, 53 döwletden 243 türgen, jemi 490-a golaý wekil gatnaşdy.