«7/24. tm», №23 (158), 05.06.2023.
Welosport — sportuň bu görnüşi boýunça ilkinji çekeleşikli ýaryşyň 1868-nji ýylda Fransiýanyň paýtagty Parižiň golaýyndaky ajaýyp Sen-Klu seýilgähinde geçirilendigini taryhy çeşmeler habar berýär. Bu sport ýaryşy 2 müň metr aralyga guralypdyr. Bu ýaryşda angliýaly J. Mur ýeňiji bolupdyr. Aslynda, welosipedi ilkinji bolup, 1801-nji ýylda russiýaly Ýefim Artamonow agaçdan ýasapdyr. Ilkinji welosiped, megerem, häzirkilere garanyňda has sada bolandyr, emma şol döwürde bu waka ullakan öňegidişlik hökmünde kabul edilipdir hem-de köpleriň ünsüni özüne çekmegi başarypdyr. «Welosiped» adalgasynyň özüniň latyn dilindäki «velos» sözi çalasyn we pes aýak diýen manyny berýär. Uzak aralyklary welosiped bilen geçýän, onuň bilen ýitmejek yzlary goýýan halypalarymyzyň durmuş tejribelerini öz dillerinden eşitmek has-da gyzykly.