Nazaryýet babatda häzirki wagtda bar bolan 5G aragatnaşygyndan 1 müň esse çalt boljak 6G tehnologiýasy hem işlenip taýýarlanýar. Internet aragatnaşygynyň 2-nji, 3-nji we 4-nji neslinden tapawutlylykda 5G-niň ýaýbaňlanmagy uzak dowam etdi. Şeýle-de bolsa eýýäm 6G-ni kämilleşdirmek üçin ylmy işler alnyp barylýar. Maglumatlara görä, 6G tehnologiýasyna degişli 38 müň töweregi patent ýüztutmasy hasaba alnypdyr. Bu patentleriň 13 müň 449 sanysy hytaý kompaniýalaryna degişli bolup, 35 göterime gabat gelýär. Patent almakda ikinji ýerde amerikan kompaniýalary (18 göterim) bar.
Golaýda Hytaýyň ZTE kompaniýasy awtonom tor, sanly goşa tor, 6G torunda amal etmegiň kuwwaty, tizlik tehnologiýasy ýaly ugurlarda 6G tehnologiýasyna degişli birnäçe barlaglary geçirdi. Ýewropanyň «Nokia» we «Ericsson» kompaniýalary hem 6G synaglaryny geçirýär.