Halkara sport ýaryşlaryny ýokary derejede geçirmekde oňyn tejribe toplan Bitarap Watanymyz 12 ýaşly we şondan kiçi ýetginjek oglan-gyzlaryň arasyndaky Merkezi Aziýa ýurtlarynyň sebitleýin ýaryşyny kabul etmäge taýýarlykly geldi. Bu ýaryşa Türkmenistandan, Gazagystandan, Gyrgyzystandan, Täjigistandan, Özbegistandan, şeýle-de Owganystandan sport wekiliýetleri (hersinden 9 adam) gatnaşarlar. Paýtagtymyz Aşgabatda bu ýaryşyň eýýäm ikinji gezek guralmagy Diýarymyzyň sport ýurdy hökmünde barha giňden ykrar edilýändiginiň aýdyň subutnamasydyr.
Hormatly Prezidentimiz Serdar Berdimuhamedow: «Ýokary sportda Türkmenistany dünýä tanatmak meniň esasy maksatlarymyň biridir» diýip belleýär. Arkadag Serdarly bagtyýar ýaşlar ýylynda ýaş ýetginjek türgenleriň sportuň dürli görnüşleri boýunça gazanýan üstünlikleri hem örän guwandyryjydyr.
