Baldan süýji gawunym
Özüniň lezzetli tagamy, şirin-şekerligi bilen dünýäde meşhur türkmen gawunyny ösdürip ýetişdirmekde daýhanlarymyz irginsiz zähmet çekýärler. Gawuny ösdürip ýetişdirmek, onuň tohumyny gorap saklamak, täze-täze görnüşlerini oýlap tapmak, olary kämilleşdirmek boýunça türkmen seleksionerleri hem alymlary daýhanlar bilen birlikde uly işleri alyp barýarlar. Olar gawunyň tohumyny köpeltmek, gowulandyrmak bilen yzygiderli meşgullanýarlar. «Aýjemal», «ak gülaby» «ak waharman», «garrygyz», «gök zamça», «hytaýy», «gök gürbek», «gülaby», «dürnabat», «dessemaýa», «paýedeki», «garagaş» ýaly özüniň datlylygy, şirin-şekerligi bilen türkmen halkynyň milli baýlygyna, halal mirasyna, saçaklarynyň berekedine, rysgalyna öwrülen baldan süýji gawunlar şanly Garaşsyzlygymyzyň 30 ýyllyk baýramçylygynyň toý desterhanlarynyň bezegi bolar. Gadymy Merwde Gäwürgaladan gawunyň tohumynyň tapylmagy bu uçmahy nygmatyň biziň topragymyzda ir döwürlerde-de ekilendigine güwä geçýär. Orta asyra degişli ýazuw ýadygärliklerinden çen tutsaň, Merwiň gawuny, üzümi, şetdalysy... diýseň süýji bolupdyr. Olary terligine-de, kakadylan görnüşini-de daşary ýurtlara iberipdirler. Gawundan kak, sök, toşap ýaly nygmatlar-da taýýarlanypdyr. Gawunyň adam saglygyna edýän peýdasy hem gadymlardan bäri belli, ol ganazlygyň, ýürek-damar keselleriniň birebir emi. Gawunyň hassany dikeldip bilýän güýji barada obamyzyň ýaşulusy Aman agadan
