Çuňňur hormatlanylýan Türkmenistanyň Prezidenti! Sizi Berkarar döwletiň täze eýýamynyň Galkynyşy döwrüniň «Pähim-paýhas ummany Magtymguly Pyragy» ýylynda uly dabaralara beslenip bellenilýän Aşgabat şäheriniň güni mynasybetli Türkmenistanyň Halk Maslahatynyň adyndan tüýs ýürekden gutlaýaryn. Siziň janyňyzyň sag, ömrüňiziň uzak bolmagyny, paýtagtymyzy we eziz Diýarymyzyň ähli künjeklerini ösdürmekde alyp barýan döwletli işleriňiziň mundan beýläk-de rowaçlyga beslenmegini arzuw edýärin.

Hormatly Prezidentimiz Serdar Berdimuhamedow Iordaniýa Haşimit Patyşalygynyň Patyşasy Abdulla II bin Al Husseýne Iordaniýa Haşimit Patyşalygynyň Garaşsyzlyk güni mynasybetli mähirli gutlaglaryny we iň gowy arzuwlaryny iberdi. Döwlet Baştutanymyz şu mümkinçilikden peýdalanyp, Patyşa Abdulla II bin Al Husseýne tüýs ýürekden berk jan saglyk, bagtyýarlyk, abadançylyk, Iordaniýa Haşimit Patyşalygynyň dostlukly halkyna bolsa parahatçylyk, mundan beýläk-de ösüş, rowaçlyk arzuw etdi.

Aşgabat şäheriniň güni mynasybetli ýurdumyzyň ähli künjeklerinden hormatly Prezidentimiz Serdar Berdimuhamedowyň adyna köp sanly gutlag hatlary gelip gowuşýar. Gutlag hatlarynda we telegrammalarda Berkarar döwletiň täze eýýamynyň Galkynyşy döwründe ak mermerli paýtagtymyzyň gün-günden gözelleşýändigi, dünýäniň ösen hem-de ýaşamak üçin amatly şäherleriniň hatarynda mynasyp orun eýeleýändigi bellenilýär. Aşgabat halkara hyzmatdaşlygyň, Bitaraplygyň, parahatçylyk söýüjiligiň ykrar edilen merkezi bolup durýar. Hatlary iberenler döwlet Baştutanymyzy bu şanly sene bilen mähirli gutlap, tüýs ýürekden berk jan saglyk, uzak ömür, Garaşsyz, baky Bitarap Watanymyzyň gülläp ösmeginiň bähbidine alyp barýan köpugurly işlerinde mundan beýläk-de üstünlikleri arzuw edýärler. Döwlet Baştutanymyza Mejlisiň Başlygy D.Gulmanowa iň gowy arzuwlaryny iberdi.

Hormatly sergä gatnaşyjylar! Gadyrly myhmanlar!

Hormatly Prezidentimiz Serdar Berdimuhamedow jenap To Lama Wýetnam Sosialistik Respublikasynyň Prezidenti wezipesine saýlanmagy mynasybetli mähirli gutlaglaryny we iň gowy arzuwlaryny iberdi. Döwlet Baştutanymyz şu ýakymly mümkinçilikden peýdalanyp, Prezident To Lama tüýs ýürekden berk jan saglyk, egsilmez gujur-gaýrat, Wýetnam Sosialistik Respublikasynyň halkynyň öňe gitmegine, gülläp ösmegine gönükdirilen ähli başlangyçlarynda uly üstünlikleri arzuw etdi.

Onuň Alyhezreti, türkmen halkynyň Milli Lideri, Türkmenistanyň Halk Maslahatynyň Başlygy jenap Gurbanguly Berdimuhamedowa Çuňňur hormatlanylýan Gurbanguly Mälikgulyýewiç!

Hormatly Prezidentimiz Serdar Berdimuhamedowyň adyna Türkmenistanyň Konstitusiýasynyň we Döwlet baýdagynyň güni mynasybetli gutlag hatlarydyr telegrammalar gelip gowuşýar. Olarda bu baýramyň döwlet gurluşynyň ýörelgelerini hem-de türkmen halkynyň demokratik tejribesini özünde jemleýän ýurdumyzyň Esasy Kanunynyň kabul edilen gününi, Garaşsyz Watanymyzyň mukaddes tugunyň döredilen gününi birleşdirip, milli jebisligi dabaralandyrýandygy, döwletimiziň belent ynsanperwer taglymlara ygrarlydygyny alamatlandyrýandygy bellenilýär. Gutlaglary iberenler Döwlet Baştutanymyzy şanly sene bilen gutlap, berk jan saglyk, uzak ömür, Watanymyzyň hem-de halkymyzyň bähbidine alyp barýan ähli işlerinde uly üstünlikleri arzuw edýärler. Hormatly Prezidentimizi Adam hukuklary boýunça ygtyýarly wekil — Adalatçy Ý.Gurbannazarowa, Türkmenistanyň Gyzyl Ýarymaý Milli jemgyýetiniň başlygy M.Açilowa, Döwlet, hukuk we demokratiýa institutynyň direktory Ý.Nuryýew tüýs ýürekden gutladylar.

Hormatly Prezidentimiz Serdar Berdimuhamedow Eýran Yslam Respublikasynyň birinji wise-prezidenti Mohammad Mohbere Eýran Yslam Respublikasynyň Prezidenti Seýed Ebrahim Raisiniň pajygaly ýagdaýda biwagt aradan çykmagy zerarly gynanç hatyny iberdi. Döwlet Baştutanymyzyň hatynda bellenilişi ýaly, Seýed Ebrahim Raisi görnükli döwlet işgäri bolmak bilen, Eýran Yslam Respublikasynyň ynamly öňe gitmegi ugrunda üstünlikli işleri alyp bardy hem-de Türkmenistan bilen hoşniýetli, özara bähbitli gatnaşyklaryň ösdürilmegine saldamly goşant goşdy.

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Eýran Yslam Respublikasynyň Beýik ruhy lideri Aýatolla Seýed Ali Hoseýni Hameneýä Eýran Yslam Respublikasynyň Prezidenti Seýed Ebrahim Raisiniň pajygaly ýagdaýda biwagt aradan çykmagy zerarly gynanç hatyny ýollady. “Seýed Ebrahim Raisi görnükli syýasatçy we parasatly döwlet ýolbaşçysy bolup, Eýran Yslam Respublikasynyň hem-de onuň halkynyň abadan, bagtyýar durmuşda ýaşamagy ugrunda örän uly işleri bitirdi” diýlip, hatda bellenilýär.

Hormatly Prezidentimiz Serdar Berdimuhamedowyň adyna Türkmenistanyň Konstitusiýasynyň we Döwlet baýdagynyň güni mynasybetli gutlag hatlarydyr telegrammalar gelip gowuşýar. Olarda Esasy Kanunymyzyň we ýaşyl tugumyzyň şöhratly taryhymyzy alamatlandyrýandygy, ýurdumyzyň bagtyýar şu gününiň we beýik geljeginiň kepili, halkymyzyň döwletlilik ýörelgeleriniň mizemezdigini tassyklaýan gymmatlyklar bolup durýandygy bellenilýär. Hatlary iberenler döwlet Baştutanymyzy şanly baýram bilen tüýs ýürekden gutlap, berk jan saglyk, uzak ömür, Watanymyzy mundan beýläk-de gülledip ösdürmegiň bähbidine ähli başlangyçlarynda üstünlikleri arzuw edýärler. Hormatly Prezidentimizi Ministrler Kabinetiniň ýanyndaky Ulag we kommunikasiýalar agentliginiň işgärleriniň adyndan M.Çakyýew, G.Akmämmedow, A.Atamyradow, B.Annaýew, H.Hudaýgulyýew, D.Saburow tüýs ýürekden gutladylar.