Garaşsyzlyk — köňül buýsanjym
Ýurt Garaşsyzlygy diýlende, ilki bilen, ynsanlaryň erkin ýaşaýşy hem azat zähmeti göz öňüne gelýär. Garaşsyzlyk, erkinlik adamyň ähli ukyp-başarnygyny ulanyp öz abadan, asuda durmuşy üçin zähmet çekmegine şert döredýär. Şu ýagdaýda ynsan öz zähmetiniň miwesine göz dikip, onuň barha datly we bol bolmagy ugrunda janyny gaýgyrmaýar. Şeýle emin-erkin, päk zähmet hem adamzat ýaşaýşynyň manysyna öwrülýär. Pähim-parasada ýugrulan döredijiligi arkaly bize her babatda durmuş tejribesini salgy berýän, dogry ýol görkezýän Gahryman Arkadagymyz özüniň «Bitarap Türkmenistan» atly kitabynda halkymyzyň milli aýratynlyklarynyň ýurt Garaşsyzlygymyzda beýanyny tapyşyny diýseň jaýdar belläp, şeýle diýýär: «Iki mukaddeslik bolan Garaşsyzlyk we Bitaraplyk türkmen halkynyň pähimlilik, çuň manylylyk, maksada okgunlylyk, sabyrlylyk, baş ugry saýlap almak, başlan işiňi ahyryna çenli alyp gitmek ýaly başga-da köp milli aýratynlyklaryny özünde jemleýär». Halkymyzyň asyrlarboýy arzuwlap gelen, köňlünde besläp, mukaddeslige öwren ýurt Garaşsyzlygynyň ahyrsoňy hasyl bolup, Gahryman Arkadagymyzyň aýdyşy ýaly, onuň milli häsiýeti bilen jaýdar sazlaşmagy arkaly bu gün ýetilýän belent sepgitler, amala aşyrylýan ösüşdir özgertmeler, gazanylýan ajaýyp üstünlik
