Sagdyn nesil — röwşen geljek
Baldan süýji balalar bagtyýar durmuşyň gül-gunçalarydyr. Çagalar — geljegimizi ýagtyldýan, nurlandyrýan güneş. Olar biziň röwşen ertirlerimiz, geljegimizdir. Şonuň üçin Arkadagly Serdarymyzyň paýhasy bilen ýurdumyzda amala aşyrylýan ähli özgertmeler, gazanylýan ösüşler, üstünlikler nesillerimiziň ýagty geljeginiň hatyrasynadyr. Ýaş nesil döwletiň geljegine deňelýär. Şoňa görä-de, sagdyn, döredijilikli, beden we ruhy taýdan sazlaşykly ösen, işjeň çagalaryň kemala gelmegi döwlet syýasatynda ileri tutulýar. Ýurdumyzda ýaş nesliň ýokary derejede bilim almagy bilen birlikde, tomusky we gyşky dynç alyş möwsümlerinde çagalar sagaldyş we dynç alyş merkezlerinde döwrebap dynç almaklary, ruhy we beden taýdan sazlaşykly ösmekleri üçin hem ähli şertler döredilýär. Güneşli Diýarymyzyň gözel tebigaty bar. Gök arçalara bürenip oturan «Gökdere» jülgesindäki we gojaman Hazar deňzini jähekläp oturan «Awazadaky» çagalar sagaldyş we dynç alyş merkezlerinde çagalaryň müňlerçesi wagtlaryny şatlykly, manyly geçirýär. Suw howdanlary, sport meýdançalary, dynç alyş seýilgähleri hut bagtyýar çagalara niýetlenendir. Bu ýerlerde çagalaryň dynç almaklary, wagtlaryny şadyýan we ruhubelent geçirmekleri, bedenlerini taplamaklary üçin örän ýokary derejede ähli amatlyklar dö
