Paýhasa ýugrulan eser
Türkmenistanyň Prezidentiniň ýiti galamyndan çykan gymmatly kitaplaryň, ylmy işleriň, köp jiltli düýpli eserleriň dünýä edebiýatynyň genji-hazynasyny baýlaşdyrandygy äleme äşgärdir. Milli Liderimiz ýurdumyzyň baş baýramynyň — Türkmenistanyň Garaşsyzlyk gününiň bosagasynda giň okyjylar köpçüliginiň kitap tekjelerinde müdimilik orun aljakdygy şübhesiz bolan ýene-de bir kitaby — «Türkmeniň döwletlilik ýörelgesi» atly edebi-filosofik eseri halkymyza sowgat etdi. Arkadag Prezidentimiz müňlerçe ýyllaryň dowamynda türkmen alymlary we söz ussatlary tarapyndan döredilen ylmy-edebi eserleri we asyrlaryň jümmüşinden gözbaş alyp, dilden-dile, nesilden-nesle geçip gelen, yzygiderli sünnälenen halk döredijiligini bir akabada jemlän milli edebi mirasymyza uly sarpa goýýar, ony içgin öwrenýär, halk köpçüliginiň milli döredijiligimizi giňden öwrenmegi üçin ägirt uly işleri amala aşyrýar. Hormatly Prezidentimiziň pähim-paýhasynyň, joşgunly ylhamynyň, ýiti zehininiň, irginsiz gözlegleriniň, çäksiz yhlasynyň, ýadawsyz zähmetiniň miwesi bolan «Türkmeniň döwletlilik ýörelgesi» atly edebi-filosofik eseriň döredilmegi, neşir edilip, halk köpçüligine ýetirilmegi munuň ýene-de bir subutnamasy boldy. On iki bölümden ybarat bolan bu kitapda ýaşaýşa başlangyç, durmuşa gönezl
