Arkadag Serdarly bagtyýar ýaşlar ýylymyzda Watanymyzyň durmuşynda şatlykly wakalar bolup geçýär, toý-baýramlarymyz uludan toýlanýar. Şeýle şanly wakalara gözli şaýat bolmagyň özi hem bagtyýarlykdan nyşandyr.
Güneşli Diýarymyzda 18-nji martda ählihalk bag ekmek dabarasynyň geçirilip, hakyky zähmet baýramçylygyna öwrülmegi, oňa Arkadagly Serdarymyzyň daşyna mäkäm jebisleşen ulus-ilimiziň işjeň gatnaşmagy halkymyzyň agzybirligini dabaralandyrdy. Şol gün Ak bugdaý etrabynyň çäginde welaýat derejesinde bag ekmek dabarasy ýaýbaňlandyrylyp, onuň dowamynda oturdylan ýaş nahallar täze ýaşyl zolagy emele getirdi.
