Ösen interneti bolan ýurtlaryň ýaşaýjylarynyň ömrüniň üçden bir bölegini onlaýn ýagdaýda geçirýändigi belli boldy. «NordVPN» kompaniýasynyň hünärmenleri 20 ýurtda barlag işlerini geçirenlerinden soň şeýle netijä geldiler. Barlag geçirijileriň pikiriçe, internete iň köp bagly bolan adamlar Gonkongda ýaşaýar. Olar ömrüniň 44 ýyldan gowragyny internete sarp edýän ekenler.
Ömrüniň 41 ýylyny onlaýn geçirýän braziliýalylar ikinji orunda gelýär. 39 ýyl bilen üçünji orunda Meksika bar. Koreýa Respublikasynyň ýaşaýjylarynyň internetde 34 ýylyny, taýwanlylaryň 33 ýylyny, Italiýanyň we Portugaliýanyň ýaşaýjylarynyň 30 ýylyny, Ispaniýanyň ýaşaýjylarynyň 28 ýylyny, Fransiýanyň we Awstraliýanyň ýaşaýjylarynyň bolsa, 27 ýylyny internetde geçirýändigi anyklanyldy. Pikir soralyşyklar 20 ýurtda geçirildi. Sanawyň soňky setirinde ömrüniň 11 ýylyny internete sarp edýän ýaponlar bar.
